रिलायन्स इंडस्ट्रीजचे अध्यक्ष आणि एमडी मुकेश अंबानी हे भारतातीलच नव्हे तर आशियातील सर्वात श्रीमंत व्यक्तींपैकी एक आहेत. त्यांचा वारसदार अनंत अंबानी यांच्याबद्दल नुकतेच एक मनोरंजक तथ्य समोर आले आहे. अलिकडेच, अनंत अंबानी यांच्या हातातील घड्याळाने सर्वांचे लक्ष वेधले आहे.
अनंत अंबानी यांनी “Richard Mille” या स्विस घड्याळ निर्मिती करणाऱ्या प्रसिद्ध ब्रँडचे RM 52-04 Skull Blue Sapphire हे मॉडेल परिधान केले होते. विशेष म्हणजे, जगात अशा फक्त तीन घड्याळांचा समावेश आहे आणि त्यातील एक अनंत अंबानींकडे आहे. या घड्याळाची किंमत तब्बल $२,६२५,००० म्हणजेच सुमारे २२ कोटी रुपये आहे.
Richard Mille: श्रीमंतीचे प्रतीक
Richard Mille ही कंपनी जगभरात महागड्या आणि खास डिझाईनच्या घड्याळांसाठी ओळखली जाते. ही कंपनी दरवर्षी फक्त ५,३०० घड्याळे तयार करते, ज्यांची सरासरी किंमत $२५०,००० असते. हे घड्याळ टायटॅनियम आणि कार्बन फायबर यासारख्या उच्च गुणवत्तेच्या पदार्थांपासून तयार केली जातात. जगभरातील खेळाडू, सेलिब्रिटी आणि उद्योगपती यांना या ब्रँडची घड्याळे खूप आवडतात.
किंमत इतकी जास्त का आहे?
Richard Mille घड्याळे केवळ डिझाईनसाठीच नाही तर त्याच्या टिकाऊपणासाठी आणि उत्कृष्ट तंत्रज्ञानासाठी ओळखली जातात. हे घड्याळ “स्टेटस सिम्बॉल” मानले जाते. रिचर्ड मिल्स यांनी एकदा स्पष्ट केले होते की, “आम्ही पाटेक फिलिप किंवा इतर कोणत्याही ब्रँडशी स्पर्धा करत नाही. आम्ही आमचा एक वेगळा दर्जा तयार केला आहे.”
अनंत अंबानींच्या कलेक्शनची चर्चा
अनंत अंबानी यांच्या घड्याळांच्या कलेक्शनमध्ये RM 56-01 Tourbillon Green Sapphire हे २५ कोटी रुपयांचे मॉडेलसुद्धा आहे. या ब्रँडच्या घड्याळांबाबत अनंत अंबानींचा आकर्षण ओळखले जाते.
त्यांच्या कलेक्शनमध्ये अशी अनेक महागडी घड्याळे आहेत, ज्यामुळे त्यांच्या श्रीमंतीचा आणि स्टेटसचा अंदाज येतो. Richard Mille ही ब्रँड आज अब्जाधीशांचा आवडता ब्रँड बनली आहे.
